I am sooooo confused. I mean, I WAS. Now, everything's clear to me. Mas naiintindihan ko na ngayon ang lahat. Mas napapansin ko na ang maliliit na detalye. Pero nung lumingon ako, bumalik nanaman lahat. Wala ba talaga ever since? Parang hindi. Basahin mo ang mga mensahe mo dati. Kung pagdudugtung-dugtungin ang lahat, parang meron. PARANG. Pero ayun nga, parang lang. Bakit hindi mo na lang kasi sabihin ng deretsahan? Ay, oo nga pala. Nasabi mo na. Pero hindi ko masiguro. Gusto kong makita ang mga mata mo nung sinabi mo ang mga katagang iyun. Dahil kung ang tinig mo lamang ang aking pagbabasehan, malabo. MALABO. Sa aking pandinig, may pagaalinlangan ng iyong sabihin iyon. Parang napilitan ka lamang, o napilitan ka nga ba? Nais kong makita ang mga mata mo. Nais kong makita ka. Dahil iyun lang ang paraan para malaman ko sa sarili ko kung ano nga ba. Nahihirapan na ko, at sa tingin ko'y iyun lamang ang magiging sagot. Nais lang kitang makita, kahit saglit lang. Ngunit kung pahihintulutan, maglagi ka muna. Tutunghayan ang lahat. At kapag napagtantuhan na'y lilibanan na ang lahat.

Kaya ko ba? Parang hindi. Ako'y isa lamang alikabok sa mundong komplikado. Napakahirap nga lahat.

Ang alam ko lang ay masasagot ang lahat kapag ika'y natunghayan na. Ngunit kailan? Napakagulo ng mundo. Napakahirap intindihin. Mahirap magkasalisi na lamang. Mahirap ding makipagkita pagkat ayaw pahintulutan ng panahon, ng oras. Masyadong mabilis. Masyadong masikip.

Hindi ako makahinga. Ngunit hindi rin nasasakal. Ako'y naiipit. Ang hirap kumilos. Napakaraming bagay sa paligid. Hindi ko alam ang uunahin. Hindi ko sila maintindihan. Napakagulo ng lahat. Gusto ko silang maintindihan. Pero dehins ko kaya. Sinubukan kong gawin. Saglit ko lamang iyon nagawa. Pero hanggang ngayo'y sinusubukan ko ulit.

Gusto kitang makita, dahil alam kong iyon ang magiging sagot sa lahat. Alam kong nagkaroon na ng pagkakataon dati. Ngunit ako'y tumanggi. Masyado akong naging negatibo. Inisip ko na mapapaasa ko lamang ang sarili ko kung itutuloy ang pagkikitang iyon. Pero nagkamali ako. Mas mabuti pala na natuloy na lang iyon. Patawad. Nagkamali nanaman ako. Napakatanga. Pero kagaya ng dati, pwede pa ba?
@ 11:08 PM